Ғолибони рӯзи якуми Чемпионати Тоҷикистон муайян шуданд
Имрӯз, 13-уми ноябр дар Қасри теннис ва маҷмааи варзиши обӣ дар шаҳри Душанбе Чемпионати Тоҷикистон оид ба ҷудо оғоз шуд. Нахуст шуда, рақобатҳо дар вазнҳои -60 ва -66 кг баргузор шуданд.
Дар вазни -60кг рақобатҳо пуршиддат баргузор шуда, Сарвар АБДУШУКУРОВ ва Абумуслим ҚАЮМЗОДА ба даври финалӣ роҳ ёфтанд. Дар ин қувваозмоӣ Қаюмзода АБУМУСЛИМ пирӯз шуда, дар вазни -60кг унвони қаҳрамони Тоҷикистонро дар соли 2020 соҳиб гардид.
Дар ин вазн, медалҳои биринҷиро Муҳаммадсолеҳ ҚУВВАТОВ ва Саъдӣ СОБИРЗДА соҳиб шуданд.
Дар вазни -66кг низ сабқатҳо ҷолибу диданӣ сурат гирифтанд, ки дар финали вазни зикршуда, Раҷабов Муҳаммадисо бо Суфиев Баҳром рақобат намуданд. Дар ин набард Баҳром СУФИЕВ комёб шуда, соҳибиби медали тиллои вазни -66 кг гардид.
Медалҳои биринҷии ин вазн насиби Масъуди АҲМАДЗОД ва Фурқат МУБОРАКҚАДАМОВ шуданд.
Ёдовар мешавем, ки фардо 14-уми ноябр рақобатҳо дар вазнҳои -73кг ва 81-кг баргузор мешаванд. Мухлисон имкон доранд, ки рақобатҳои мазкурро мустақиман тавассути шабакаҳоии телевизионии «Варзиш» ва «Футбол», инчунин тариқи YouTube-каналҳои «VarzishTV» ва «VarzishtvNews» тамошо намоянд.