Дар шаҳри Доҳаи Қатар мусобиқаи Doha Masters 2021 ҷараён дорад.

Нахӯстин нафаре, ки аз миёни варзишгарони тоҷик дар дуюмин рӯз ба майдон баромад Сомон МАҲМАДБЕКОВ (-73kg) буд, ки бо қаҳрамони Гран-Прии Будапешт-2019 - Акил ГЯКОВА рӯи татами баромад.

Ин ду варзишгар дар вақти асосӣ имтиёзе аз ҳамдигар касб накарданду Сомон ду танбеҳ дошт. Дар «голден скор» ҷудокори Косова бо иҷроиши усули «суми-гаэши» имтиёзи тиллоии вазариро касб намуда, Сомонро аз идомаи рақобат маҳрум кард.

Беҳрӯз ХОҶАЗОДА (-73kg) бошад бо Қаҳрамони Аврупо-2020 - Виктор СТЕРПУ неру санҷид. Ҷудочии молдовиягӣ бо «шимэ-ваза» имтиёзи иппонро ба даст оварда, Беҳрӯзро ба даври  дуюм роҳ надод.

Фардо, 13-уми Январ, Темур РАҲИМОВ дар вазни +100 барои касби мақоми ифтихорӣ талош хоҳад кард.