Ширкати 14 ҷудочии кишвар дар Tashkent Grand Slam 2021
Аз 5 то 7 марти соли равон дар шаҳри Тошканди Ҷумҳурии Ӯзбекистон мусобиқаи «Tashkent Grand Slam» доир мегардад, ки дар он 14 ҷудочии кишвар ширкат меварзад. Беҳрӯз ХОҶАЗОДА (-73кг) бинобар сабаби осеб доштанаш, дар мусобиқаи мазкур иштирок нахоҳад кард.
Вазн: | Иштирокчиён: |
---|---|
-60kg | Абумуслим ҚАЮМЗОДА |
-60kg | Шаҳбоз САИДАБУРОРОВ |
-63kg | Шоҳида ҚАЛАНДАРОВА |
-66kg | Алиҷон САФАРАЛИЕВ |
-66kg | Баҳром СУФИЕВ |
-73kg | Сомон МАҲМАДБЕКОВ |
-81kg | Акмал МУРОДОВ |
-81kg | Ҳақназар НАЗАРОВ |
-90kg | Амирҷони НАСИМҶОН |
-90kg | Комроншоҳ УСТОПИРИЁН |
-100kg | Саидҷалол САИДОВ |
-100kg | Мансур РАҲМОН |
+100kg | Темур РАҲИМОВ |
+100kg | Шакармамад МИРМАМАДОВ |
Рӯзи аввали мусобиқа – 5-уми март – қувваозмоиҳо дар вазнҳои -60кг, -66кг миёни мардон ва -48кг, -52кг, -57кг миёни занон баргузор мешавад.
Рӯзи дуюм – 6-уми март - ҷудочиёни вазнҳои -73кг, -81кг миёни мардон ва -63кг, -70кг миёни бонувон рақобат хоҳанд кард.
Мусобиқа 7-уми март бо қувваозмоиҳои вазнҳои -90кг, -100кг, +100кг миёни мардон ва -78кг, +78кг миёни бонувон ба поён мерасад.
Ҷудокорони мусобиқа имкони касби имтиёзҳои олимпӣ доранд. Барои мақоми аввал - 1000 имтиёз, дуюм - 700 имтиёз ва сеюм - 500 имтиёз дода мешавад.
Инчунин беҳтаринҳои мусобиқа бо ҷоизаҳои молӣ сарфароз гардонида мешаванд. Дар ҳар як вазн ба ғолиб 5000 доллари ИМА, ҷойи дуюм - 3000 доллар ва барои ҷойҳои сеюм 1500-долларӣ тақдим карда мешавад.
Қобили зикр аст, ки Баҳром СУФИЕВ – Чемпиони Тоҷикистон дар соли 2020 бори аввал дар мусобиқаи сатҳаш байналмилалӣ иштирок мекунад.
Иштироки 541 варзишгар аз 75 давлат дар назар аст.